កំណត់​សម្គាល់​របស់​សក្ខីកម្ម

តើ​សក្ខី​កម្ម​ជា​អ្វី?

ការ​ប្រែ​ប្រួល​ក្នុង​ដំណើរ​ជីវិត​រស់​នៅ​ ចំណេះ​ដឹង ​និង​/ឬ​បទ​ពិសោធ​បណ្តាល​មកពី​ឥទ្ធិពល​របស់​ គណបក្ស​សម្ព័ន្ធ​ដើម្បី​ប្រជា​ធិប​តេយ្យ​ (គ.ស.ប)​ ឧទា​ហរណ៍ ​តើ​ គណបក្ស​សម្ព័ន្ធ​ដើម្បី​ប្រជា​ធិប​តេយ្យ​ (គ.ស.ប)​ បាន​ជួយ​អ្វី​ខ្លះ​ដល់​អ្នក​ គ្រួសារ​អ្នក ឬ​សហ​គមន៍​របស់​អ្នក? ​ការ​បង្ហាញ​ពី​អារម្មណ៍​របស់​ខ្លួន​ បន្ទាប់​ពី​បាន​ស្តាប់​យល់​ពី​គោល​គំនិត​របស់​ គណបក្ស​សម្ព័ន្ធ​ដើម្បី​ប្រជា​ធិប​តេយ្យ​ (គ.ស.ប)​ ដូច​ជា​ករណី​របស់​លោក​ សួស​ សម្រេច​ ក៏​ចាត់​ទុក​ជា​សក្ខី​កម្ម​ដែរ​។

ក្រុម​ព័ត៌​មាន​បាន​សង្កេត​ឃើញ​ថា ​អ្នក​ចូល​រួម​បញ្ចេញ​មតិ​នៅ​ក្នុង​វេទិកា​ជួប​ជុំ​សមា​ជិក​ និង​អ្នក​គាំទ្រ​ គណបក្ស​សម្ព័ន្ធ​ដើម្បី​ប្រជា​ធិប​តេយ្យ​ (គ.ស.ប)​ និង​កម្ម​វិធី​ផ្សាយ​ផ្ទាល់​តាម​វិទ្យុ ​បាន​បង្ហាញ​ពី​ការ​ប្រែ​ប្រួល​ក្នុង​ជីវិត​របស់​ខ្លួន​ ឬ​ពី​គុណ​សម្បត្តិ​របស់ គណបក្ស​សម្ព័ន្ធ​ដើម្បី​ប្រជា​ធិប​តេយ្យ​ (គ.ស.ប)​ ឬ​ការ​កោត​សរសើរ​ផ្សេងៗ​ ដូច​ជា​ថា (១) “បន្ទាប់​ពី​ស្តាប់​យល់​ពីគោល​គំនិត​របស់ ​ គណបក្ស​សម្ព័ន្ធ​ដើម្បី​ប្រជា​ធិប​តេយ្យ​ (គ.ស.ប)​ យើង​អាច​មើល​យល់​ថា​ អ្នក​នយោ​បាយ​ខ្មែរ​ពូកែ​តែ​បោក​ប្រាស​ប្រជា​ពលរដ្ឋ​របស់​ខ្លួន” ​(២) “​ គណបក្ស​សម្ព័ន្ធ​ដើម្បី​ប្រជា​ធិប​តេយ្យ​ (គ.ស.ប)​ បាន​ផ្តល់​កញ្ចក់​មួយ​ដ៏​ធំ​ដល់​ខ្ញុំ​សម្រាប់​ឆ្លុះ​មើល​មនុស្ស​អាក្រក់​ មនុស្ស​ទុច្ចរិត ...” (៣) “បើ​គ្មាន​ គណបក្ស​សម្ព័ន្ធ​ដើម្បី​ប្រជា​ធិប​តេយ្យ​ (គ.ស.ប)​ ទេ ការ​រស់នៅ​របស់​ខ្ញុំ​ពិត​ជា​គ្មាន​គោល​ដៅ​ឡើយ” (៤) “គណបក្ស​សម្ព័ន្ធ​ដើម្បី​ប្រជា​ធិប​តេយ្យ​ (គ.ស.ប)​ គឺជា​សាលា​បណ្តុះ​គំនិត របៀប​រស់នៅ ។ល។ ដែល​គ្មាន​ការ​បង្រៀន​នៅ​ក្នុង​សាលា” ជា​ដើម។

ក្រៅពី​អ្ន​ក​ចូល​រួម​បញ្ចេញ​មតិ​នៅ​ក្នុង​វេទិកា​ និង​តាម​កម្ម​វិធី​ផ្សាយ​ផ្ទាល់​ ក្រុម​ព័ត៌​មាន​យល់​ឃើញ​ថា​ ​ គណបក្ស​សម្ព័ន្ធ​ដើម្បី​ប្រជា​ធិប​តេយ្យ​ (គ.ស.ប)​ បាន​និង​កំពុង​ធ្វើ​ឲ្យ​​ប្រជា​ពល​រដ្ឋ​រាប់​សិបម៉ឺន​នាក់​ផ្សេង ​ទៀត​កែ​ប្រែ​ជីវិត​រស់​នៅ​ ឬ​ការ​យល់​ដឹង​របស់​​ខ្លួន​។ ដូច្នេះ​ ដើម្បី​ប្រមូល​ និង​ចង​ក្រង​បទ​ពិសោធ​ទាំង​នេះ​ លោក​ លោក​ស្រី​អាច​បញ្ជូន​សក្ខី​កម្ម​របស់​ខ្លួន​ផ្ទាល់​ ឬ​ជួយ​រៀបចំ​កង​ក្រង​សក្ខីកម្ម​ដែល​លោក​ លោក​ស្រី​ធ្លាប់​បាន​ឮ ឬ​បាន​ស្តាប់​ រួច​បញ្ចូន​មក​កាន់​យើង​ខ្ញុំ​តាម​រយៈ​សារ​អេឡិច​ត្រូនិក​ ៖ camldp3@gmail.com ។

រាល់​សក្ខីកម្ម​ទាំង​អស់​ត្រូវ​ឆ្លង​កាត់​ការ​ពិនិត្យ​ និង/ឬ​កែ​សម្រួល​របស់​ក្រុម​ព័ត៌មាន​។ ​អាស្រ័យ​ហេតុ​នេះ​ ក្រុម​ព័ត៌​មាន​សូម​រក្សា​សិទ្ធិ​ក្នុង​ការ​ជ្រើស​រើស​ និង​ដាក់​សក្ខីកម្ម​ទាំង​នោះ​ក្នុង​គេហ​ទំព័រ​របស់​ ​ គណបក្ស​សម្ព័ន្ធ​ដើម្បី​ប្រជា​ធិប​តេយ្យ​ (គ.ស.ប)​ ពោល​គឺ​យើង​ជ្រើស​យក​តែ​សក្ខី​កម្ម​ទាំង​ឡាយ​ណា​ដែល​បំពេញ​លក្ខ​ខណ្ឌ​ទាំង​បី ​៖ ​ពិត ​មាន​ប្រយោជន៍ ​ត្រូវ​កាល​តែ​ប៉ុណ្ណោះ​។

សូម​អរ​គុណ!